Giannis scoring leader na sa Bucks
CEBU, Philippines — Si Giannis Antetokounmpo mao na karon ang nagbarog isip all-time scoring leader sa Milwaukee Bucks.
Kini human siya mipaulbo og 44 puntos aron agakon ang Bucks ngadto sa 120-119 nga kadaogan sud sa overtime batok sa Brooklyn Nets sa NBA kagahapon didto sa Barclays Center sa Brooklyn, New York.
Gilabyan ni Antetokounmpo ang kanhi scoring leader sa Bucks nga si Kareem Abdul-Jabbar.
Nadoble ang kalipay ni Antetokounmpo sa mahinungdanon niyang gabii gumikan sa iyang pagkamabayanihon.
Ang iyang 3-pointer maoy nakapuwersa sa overtime samtang ang duha niya ka free throws sa hilimatyong segundos sa duwa maoy nagtuldok sa makapaisa'g balahibo nga kadaogan sa Bucks.
Ang gibansagan nga "Greek Freak" duna say 14 ka rebounds ug unom ka assists, samtang sila si Jrue Holiday ug Khris Middleton nagkumboya og 35 puntos alang sa Bucksnga hingpit na sab nga nakasud sa playoffs.
- Latest