Letran, Beda wagi sa mga karibal
MANILA, Philippines — Dumiretso ang nagdedepensang Letran Knights sa kanilang ikalawang sunod na ratsada matapos paluhurin ang Arellano Chiefs, 96-57, kahapon sa 97th NCAA men’s basketball tournament sa La Salle Greenhills Gym.
Humakot si Jeo Ambohot ng 20 points at 8 rebounds para sa 2-0 record ng Knights at nagdagdag si Louie Sangalang ng 10 markers at 10 rebounds.
May 15 points naman si Tommy Olivario kasunod ang 11 markers ni forward Renz Abando.
Ito ang unang kabiguan ng Chiefs matapos ang naunang 65-63 pagdaig sa San Sebastian Stags sa likod ng pagbibida ni Justin Arana noong Linggo.
Ngunit hindi naglaro si Arana laban sa Letran.
“We have to take advantage,” sabi ni Knights’ head coach Bonnie Tan sa may injury na si Arana. “People are looking at us. How we can respond as pagkawala ni Arana na pinaka-top center ng NCAA. Hindi lang isang panalo lang kundi convincing win sana.”
Kinuha ng Letran ang 66-51 abante sa third period na hindi na napababa ng Arellano.
Sa ikalawang laro, pinulutan naman ng San Beda Red Lions ang Emili Aguinaldo College Generals, 85-81, para sa kanilang 2-0 marka.
Apat na Red Lions ang nagtala ng double-digits para talunin ang Generals.
- Latest
