Dwight, Thirdy balik Japan agad

MANILA, Philippines — Balik Japan agad sina Dwight Ramos ng Toyama at Thirdy Ravena ng San-En NeoPhoenix para makasama ang kani-kanyang koponan sa kampanya nito sa Japan B.League.

Sariwa pa sina Ramos at Ravena sa kanilang kampanya sa FIBA World Cup Qualifiers na ginanap sa Smart Araneta Coliseum.

Masaya sina Ramos at Ravena na pinahintulutan ang mga ito ng kanilang mother teams.

Ngunit kailangang bumalik agad ng Japan ang dalawa para ipagpatuloy ang paglalaro nito sa B.League.

Malaki ang naitulong ng qualifiers para kay Ramos dahil muling nabuhay ang kumpiyansa nito sa paglalaro.

At umaasa si Ramos na madadala nito ang magandang momento sa oras na muli itong makabalik sa Toyama.

Impresibo ang performance ni Ramos sa FIBA World Cup Qualifiers.

Nagtala ito ng averages na 17.5 points, 7.0 rebounds, 2.5 assists, 2.0 steals at 1.5 blocks  sa isa dalawang laro ng Gilas Pilipinas.