Donaire-Inoue 2 ikinakasa na
MANILA, Philippines — Ikinakasa na ang unification bout nina reigning World Boxing Council (WBC) bantamweight champion Nonito “The Filipino Flash” Donaire at World Boxing Association (WBA) at International Boxing Federation (IBF) bantamweight king Naoya Inoue.
Ayon kay Top Rank Promotions chie Bob Arum, nakaabang na lamang ang lahat sa kasalukuyang sitwasyon sa pandemya.
Matatandaang halos abot kamay na ang Donaire-Inoue rematch subalit naudlot lamang ito matapos tumaas ang kaso ng coronavirus disease (COVID-19) sa Japan dahil sa Omicron variant.
Dahil dito, nagkaroon ng restriksiyon ang Japan sa border nito kung saan hindi maaaring makapasok ang mag foreigners at tourists.
Kaya naman muling sinusubukan ni Arum na maiselyo na ang inaabangang bakbakan nina Donaire at Inoue.
“I think that’s really close. Everything depends not on Donaire, not on Inoue, not Ohashi or Honda, but on the Japanese government lifting the restrictions on events and so forth,” ani Arum sa 3 Knockdown Rule.
Matatandaang naudlot din ang laban sana nina dating IBF super flyweight king Jerwin Ancajas at World Boxing Organization (WBO) super flyweight titlist Kazuto Ioka noong Disyembre 31 dahil sa border restrictions ng Japan.
Puntirya ni Arum na maikasa ang Donaire-Inoue fight sa Abril lalo pa’t gumaganda na ang sitwasyon ng karamihan sa mga bansa.
- Latest