Magsayo mopalit og balay sa iyang mga ginikanan

CEBU, Philippines — Si Mark Magsayo (24-0, 16KOs) nagselebrar sa labing una niyang world championship sa labing nindot nga paagi paghatag og baliksa mga tawo nga nagpadako kaniya.

Human makadawat sa labing dako nga premyo sa iyang karera human gibuntog si Gary Russell Jr. (31-2, 18 KOs) niadtong Dominggo aron sakmiton ang WBC featherweight title, si Magsayo nagplano nga gastoon kini aron tabangan ang iyang ginikanan.

"Ang bibilhin ko bahay, kasi pangarap ko talaga maibili yung parents ko ng bahay," butyag pa ni Magsayo ngadtong Quinito Henson ug Dyan Castillejo sa PlayitrightTV human sa away.

Tukoron didto sa Bohol, ang house and lot maoy dugang regalo ni Magsayo sa iyang mga ginikanan nga iya nang daan gibuboan og gasa sa miagi niyang mga away.

"Business muna yung ibinigay ko kasi di pa kaya bumili ng bahay dat]," kanayon pa ni Magsayo. "Binigyan ko ng bakery yung papa ko, natupad na, binigyan ko ng bangka kasi gusto niya magkaron ng bangka. Naibigay ko na lahat, bahay na lang."

Ang mga ginikanan ni Magsayo usa sa mga gikuhaan niya og kusog ug inspirasyon padung sa iyang sangka batok ni Russell. Nahagit pa gani ang 26-anyos nga si Magsayo gumikan kay mismo ang iyang mahan wala magtoo nga mamahimo siyang usa ka world champion.

Og human niya langkati og bakus si Russell, nakuha na gyud ni Magsayo ang kompiyansa ug pagsalig sa iyang amahan.

"Sabi niya ubos na bilib niya sakin. Kasi dati di pa siya masyadong bilib sakin," padayag pa ni Magsayo.  "Sinabi niya 'Dati Mark, di pa ko masyado bilib sayo... Ngayon na world champion ka na, ubos na lahat ng bilib ko sayo'... Ginusto ko patunayan ko talaga sa Papa ko na kaya ko maging world champion kaya nagpursigi ako palagi."