Postponed

Dahil sa Omicron variant, na-cancel ang laban ni IBF super-flyweight champion Jerwin Ancajas sa Japan sa Dec. 31.

Unification fight ito kontra Kazuto Ioka sa Ota City sa bisperas ng bagong taon. Fireworks inside the ring sana.

Pero dahil nga sa banta ng COVID-19 variant, isinara ulit ng Japan ang pintuan sa mga foreign visitors.

Walang magawa ang organizers.

 Sayang dahil matagal pinag-handaan ni Jerwin ang unification fight. Nasa Los Angeles na siya mula September.

Ang balak sana ay lilipad na siya papunta Japan next week para sa closing stages ng training.

Since last week, may pangamba na sila Jerwin na baka ma-cancel ang laban dahil sobra higpit ng Japan sa protocols.

Hanggang ngayon nga eh bawal pumasok ang turista sa kanila. Business purposes lang ang allowed.

Umasa si Jerwin na ituloy ang laban sa America pero malabong pumunta si Ioka doon.

Ang mga Hapon kasi, willing magbayad ng malaki sa kalaban basta sa bansa nila gawin ang laban.

Kaya ngayon, humahanap si Jerwin ng vacant slot sa mga parating na boxing cards sa America.

Otherwise, tengga na naman si Jerwin.

Sayang ang chance dahil nakaka-isang laban pa lang si Jerwin since December nung 2019.

Mahirap ang sitwasyon niya.

 Baka kalawangin.