NCAA sisimulan sa Pebrero
MANILA, Philippines — Pebrero rin ang target date ng National Collegiate Athletic Association (NCAA) upang masimulan ang Season 97 ng liga.
Plano ng NCAA management committee na magkaroon ng face-to-face competitions sa basketball at volleyball.
Matatandaang puro online events ang ginanap noong Season 96 kung saan host school ang Colegio de San Juan de Letran.
Sa Season 97, College of St. Benilde ang magiging punong-abala.
Sinabi ni NCAA Management Committee incoming chairman Dax Castellano na nasa planning stage na ang liga.
“The resumption of competition is in February. We agreed on the level of the Management Committee (to do face-to-face), but still we need the approval from the Policy Board,” ani Castellano.
Nagsimula na ang vaccination ng liga para sa mga student-athletes sa pakikipagtulungan sa Commission of Higher Education (CHED).
“We would like to access all the vaccines to as many students, officials and administrators so we can slowly go back to the old normal,” ani Ronald Adamat na siyang CHED commissioner.
- Latest