Sapatos ni Jordan nahalin P51.5 million
CEBU, Philippines — Usa ka pares sa sapatos nga gisul-ot ni NBA legend Michael Jordan sa sayong bahin sa iyang karera ang nahalin sa auction kagahapong adlawa sa makabungog nga kantidad nga $1.5 million (P51.5 million).
Mikulit kini og record alang sa labing mahal nga nasul-ot nga sapatos atol sa usa ka subasta.
Ang puti nga leather shoes nga dunay kolor pula nga logo sa Nike gisuot ni Jordan sa ikalima pa lamang niyang ka duwa sa iyang rookie season uban sa Chicago Bulls 37 ka tuig na ang milabay. Niadtong tungora, amo lamang ang pagsulbong sa brand nga Nike.
"The most valuable sneakers ever offered at auction -- Michael Jordan's regular season game-worn Nike Air Ships from 1984 -- have just sold at $1,472,000 in our luxury sale in Las Vegas," matud pa sa hintungdan nga auction house.
Ang size-13 nga sapatos nga anaa pa sa maayong kondisyon gihatag ni Jordan isip regalo ngadto ni Tommie Tim III Lewis, nga kanhi ball boy sa Denver Nuggets niadtong 1984-'85 NBA season.
- Latest
