Nets pinulutan ang Wolves sa preseason
NEW YORK — Kumamada si Joe Harris ng 23 markers tampok ang 7-of-10 shooting sa three-point range para banderahan ang Brooklyn Nets sa 107-101 paghuli sa Minnesota Timberwolves sa NBA preseason game kahapon.
Nagdagdag si Kevin Durant ng 19 points para sa 3-1 record ng Nets habang may 16, 11 at 10 markers sina Lamarcus Aldridge, Nicolas Claxton at Paul Milsap, ayon sa pagkakasunod.
Umiskor si Anthony Edwards ng 23 points sa panig ng Timberwolves (3-1).
Sa Sacramento, umiskor si De’Aaron Fox ng 21 points sa 116-112 panalo ng King (4-0) sa Los Angeles Lakers (0-6).
Humataw si LeBron James ng 30 markers para sa Lakers at may 18 points, 5 assists at 3 rebounds si Russell Westbrook.
Sa Oklahoma City, nagsalpak si Markus Howard ng siyam na three-pointers para sa kanyang 31 points habang humakot si Bol Bol ng 12 points at 12 rebounds sa 113-107 overtime win ng Denver Nuggets (1-4) laban sa Thunder (1-3).
Pinamunuan ni Aleksej Pokusevki ang Thunder sa kanyang 22 points.
Sa Atlanta, tumipa si Trae Young ng 27 points para igiya ang Hawks (2-2) sa 127-92 paggiba sa Miami Heat (4-10).
- Latest
