James Yap moduwa pa gihapon
CEBU, Philippines — Si PBA star James Yap gustong moduwa og usa pa ka tuig sa dili pa tak-opon sa hingpit ang mabulokon niyang karera.
Ang two-time MVP modagan pagka-konsehal sa San Juan City sa bugnong lugaynon unya sa Mayo 2022 apan mipadayag nga kon ugaling buligan sa maayong palad, andam siyang manerbisyo sa iyang mga katagilungsod samtang mopakita gihapon og aksiyon sud sa korte.
“Tinanong nila ako kung ano ang plano ko, kung magre-retire na ba ako. Sabi ko naman, pwede bang kung papalarin ako, habang councilor ako sa San Juan, pwede ba akong maglaro sa PBA? Pwede naman daw,” pasabot pa ni Yap.
“So seguro one more year sa PBA,” dugang pa sa garbo sa Escalante, Negros Occidental.
Ang 39-anyos nga si Yap miduso sa iyang sertipiko de kandidatura lima ka adlaw sukad ang Rain or Rain Elasto Painters natagak sa PBA Philippine Cup human gi-sweep sa Magnolia Hotshots sa ilang best-of-three quarterfinals.
- Latest
