Biado mokumbati

CEBU, Philippines — Sa Abu Dhabi 9-Ball OpenLab-as pa sa iyang kalamposan sa US Open 9-Ball Championship, ang Pinoy’ng bilyarista nga si Carlo Biado duna na say laing korona nga gisaytan.

Kini gumikan kay ang 37-anyos nga si Biado mosalmot sa Abu Dhabi Open 9-Ball Championship nga gikatakda karong Nobiembre 8-11 didto sa Power Break Billiard Hall sa Abu Dhabi, United Arab Emirates.

Si Biado, ang 2017 9-Ball world champion, maoy naghari sa US Open diin siya mobulsa og P2.5 million nga ganti sa miaging bulan didto sa Atlantic City, New Jersey.

Ang garbo sa La Union maoy unang Pinoy nga nakampiyon sa maong prestihiyoso torneyo sukad ni Efren “Bata” Reyes niadtong 1994.

Gawas ni Biado, laing mga Pinoy nga mobanat didto sa Dubai mao sila si Roland Garcia, Armando "Agila" Cagol, Demosthenes Pulpul, Jordan Bañares, Jayson Nuguid, Ivan Maluto, Harry Vergara, Arnel Bautista, Oliver Medenilla, Mac Kalagayan, Bong Sotero ug Kyle Amorato.

Ilang makasangka ang mga tirador gikan sa host UAE,  Saudi, Qatar,  Kuwait,  Iran ug Oman. Ang makampiyon mokubra og 20,000 AED kon P276,000.