Tungod sa isyu sa bakuna: Wiggins dili makaduwa home games sa Warriors

CEBU, Philippines — Dili makapakita’g aksiyon si Andrew Wiggins sa mga home games sa Golden State Warriors ning umaabot nga 2021-22 NBA season.

Kini human gisalikway sa NBA ang hangyo ni Wiggins nga ma-exempted siya gikan sa Covid-19 vaccine.

Ang 26-anyos nga si Wiggins nagdumili nga mabakuhanan kay lagi bawal kini sa relihiyoso niyang pagtoo.

Apan ang pagmagahi ni Wiggins nga maturokan sa bakuna usa ka kalapasan sa mga lagda sa San Francisco City health department  nga nag-obliga sa tanang mga tawo nga motambong sa mga dagkong indoor events nga mabakunahan.

"The NBA has reviewed and denied Andrew Wiggins' request for religious exemption from the San Francisco Department of Public Health's order requiring Covid-19 vaccination for all participants age 12 and older at large indoor events," matud pa sa NBA sa opisyal niining pamahayag.

"Wiggins will not be able to play in Warriors home games until he fulfills the city's vaccination requirements."

Si Wiggins usa sa mga inilang personalidad sa liga nga mipadayag sa publiko nga dili sila magpabakuna.

"To each his own, really. Whoever wants to get it, can get it; whoever doesn't want to get it, don't get it," pasabot pa ni Wiggins. "Right now, I'm not getting it, but it's no knock on anyone else that's getting it. I make my own decisions. But right now, I decided not to get it," dugang pa niya.

Ang Warriors moduwa sa una nilang home game sa regular season batok sa Los Angeles Clippers unya sa Oktubre 21.