Millsap mitapon sa Nets
CEBU, Philippines — Ang beteranong NBA player nga si Paul Millsap moabli og bag-ong panid sa iyang karera uban sa Brooklyn Nets.
Gikompirma kini sa iyang ahente nga si DeAngelo Simmons, sigun sa tahonsa ESPN.
Si Millsap maoy labing uwahing kanhi All-Star nga mitapon sa Nets sunod nilang Kevin Durant, Kyrie Irving, James Harden, ug Blake Griffin.
Sa miaging season, mi-average siya og 9.0 puntos ug 4.7 rebounds sud sa 56 ka duwa sa Denver Nuggets.
Mikunhod hinoon ang mga numero ni Millsap ngadto na lang sa 6.4 puntos ug 3.9 rebounds matag duwa sa playoffs diin sila mi-abante sa ikaduhang hugna human gitagak ang Portland Trail Blazers.
- Latest