Serantes bumigay sa sakit

MANILA, Philippines — Tuluyan nang isinuko ni 1988 Olympic Games bronze medalist Leopoldo Serantes ang kanyang laban.

Pumanaw sa edad na 59-anyos si Serrantes dahil sa chronic obstructive pulmonary disease (COPD) at matagal na naratay sa Veterans Memorial Medical Center.

Sinuntok ni Serrantes ang bronze medal sa men’s light flyweight division ng 1988 Seoul Olympics at kumuha ng gold noong 1985 at 1987 Southeast Asian Games.

Matapos talunin si Mahjoub Mjirich ng Morocco ay nabigo ang Pinoy pug kay Ivailo Khristov ng Bulgaria via 0-5 decision para makuntento sa tansong medalya.

Noong Agosto 17 ay binigyan si Serrantes ng Chooks-to-Go ng monthly allowance na P100,000 habang buhay siya.

Kamakailan ay iniluklok si Serantes sa Philippine Sports Hall of Fame bagama’t hindi siya nakasama sa virtual online ce­remony nito.