Leonard magpabilin sa Clippers

CEBU, Philippines — Si All-Star forward Kwahi Leonard magpabilin sa poder sa Los Angeles Clippers hangtud sa 2025 NBA season.

Kini human si Leonard mipirma og lab-as nga upat ka tuig nga kontara uban sa Clippers nga milabor og $176.3 million sigun sa taho sa ESPN. Si Leonard mosud sa ikatulo niyang tuig uban sa Clippers.

Sa miaging season, mi-average siya og 24.8 puntos, 6.5 rebounds, ug career-high 5.2 assists sud sa 52 ka duwa.

Apan si Leonard nakapalta sa katapusang walo ka duwa sa Clippers sa playoffs human makahiagum og angol sa tuo niyang tuhod atol sa ilang sangka batok sa Utah Jazz. Na-operahan na hinoon si Leonard apan lagmit dili pa kini makaduwa sa sayong bahin sa 2021-22 season.