Didal, Watanabe makadawat P500T, Ando P750T nga insentibo

CEBU, Philippines — Bulahan gihapon ang mga Sugbuanong atleta nga sila si Margielyn Didal (skateboarding), Elreen Ann Ando (weightlifting) ug Kiyomi Watanabe (judo) bisan wala sila makakmit og medalya sa 2020 Tokyo Olympics.

Kini gumikan kay ang Philippine Olympic Committee (POC) ug ang MVP Sports Foundation ni business tycoon Manny V. Pangilinan mopasidungog man sa tanang non-medalists gikan sa 19-man Team Philippines og P500,000 nga insentibo matag usa.

“The non-medalists in the Tokyo Olympics will receive incentives of P500,000 each,” matud pa niPOC President Rep. Abraham "Bambol" Tolentino in a statement.

Gawas nilang Didal, Ando ug Watanabe, makadwat sab sa maong pahalipay sila si Cris Nievarez sa rowing, Kurt Barbosa sa taekwondo, Jayson Valdez sa shooting, Carlos Yulo sa gymnastics, Irish Magno sa boxing, Juvic Pagunsan sa golf,  EJ Obiena ug Kristina Knott sa athletics, ug Remedy Rule ug Luke Gebbie sa athletics.

“Everyone on Team Philippines in these ‘Golden Olympics’ deserve all the praises, and in this case, incentives, they need,” dugang pa ni Tolentino. “Qualifying for the Olympics is already that difficult, what more competing in the Games themselves."

Sa kinatibuk-an, si Ando mobulsa og P750,000 gumikan kay ang Philippine Sports Commission (PSC) motunol man ogh dugang P250,000 nga bonus niadtong mga Pinoy'ng atleta nga mibuak sa national record atol sa prestihiyosong torneyo nga mahitabo kausa lamang sud sa upat ka tuig.

Kwalipikado kaayo si Ando nga mokubra niini gumikan kay iya mang gipapas ang Phl record ubos sa 64kg division sa women's weightlifting nga nagduso kaniya sa ikapitong puwesto sa impresibo niyang Olympics debut.

"Yes, Elreen (Ando) is eligible for the P250,000 incentive, which is already approved by the PSC Board. Not only that, her coach will also receive P125,000," kompirma pa ni PSC commissioner Ramon Fernandez.