PBA lilipat sa Batangas
MANILA, Philippines — Target ng pamunuan ng PBA na ilipat ang Season 46 Philippine Cup sa Batangas City sa oras na magsimula na ang pagpapatupad ng Enhanced Community Quarantine (ECQ) sa National Capital Region (NCR).
Apektado ang PBA sa pagpapatupad ng ECQ dahil ginaganap ang Philippine Cup sa Ynares Sports Arena sa Pasig City.
Magsisimula ang ECQ sa Agosto 6 at matatapos sa Agosto 20.
Kaya naman nagpasya ang liga na dalhin ang mga laro sa Batangas City para maipagpatuloy doon ang season.
Nagpadala na ng sulat ang PBA sa Department of Health para ipaalam ang plano nito.
Nagpasya ang Inter-Agency Task Force (IATF) na magpatupad ng ECQ sa NCR dahil unti-unti na namang tumataas ang bilang ng mga tinatamaan ng coronavirus disease (COVID-19).
Isa pang dahilan ang pagpasok sa bansa ng delta variant na mas mabagsik kumpara sa regular na COVID-19.
- Latest
