CEBU, Philippines — Si Kevin Durant sa Brooklyn Nets mopakita'g aksiyon sa Olympics sa ikatulong higayon kauban ang bag-ong grupo sa mga NBA stars didto sa Tokyo sunod bulan.
Gumikan niini, si Durant mao na lamang ang bugtong sakop sa Team USA nga nakadaog og gold maedal sa 2016 Rio Olympics nga mobalik og duwa.
Ang teammate niyang si James Harden napugos pagpalta sa Tokyo Games gumikan sa hamstring injury nga gihambin niini.
Sa Tokyo, makauban ni Durant sila si Damian Lillard sa Portland Trail Blazers, Bradley Beal sa Washington Wizards, Bam Adebayo sa Miami Heat, Jayson Tatum sa Boston Celtics, ug Draymond Green sa Golden State Warriors.
Apil sab sa lineup si Cleveland forward Kevin Love ug ingon man sila si Devin Booker sa Phoenix Suns ug Khris Middleton ug Jrue Holiday sa Milwaukee Bucks.