Philippines beach volley teams sibak

MANILA, Philippines — Parehong nabigo ang Philippine men’s at women’s beach volleyball teams sa kani-kanilang semifinals matches sa AVC Continental Cup sa Nakhom Pathom, Thailand.

Dahil dito ay wala silang nakuhang tiket para sa 2021 Olympic Games sa Tokyo, Japan na nakatakda sa susunod na buwan.

Isang 21-19, 10-21, 15-12 pagkatalo ang natikman nina Sisi Rondina at Bernadeth Pons kina Alice Zeimann at Shaunna Marie Polley ng New Zealand 2 sa kanilang golden match o tiebraker.

Kasama ng New Zealand at Japan sa final round ang reigning champion Australia, China, Indonesia, Thailand, Kazakhstan at Vanuatu na nakatakda sa Hunyo 25 at 27.