Santillan garbo moduwa sa Pilipinas
CEBU, Philippines — Garbo sa Sugbuanong basketbolista nga si Leonard Santillan ang pag-representa sa Pilipinas ilabi na sa mga internasyonal nga kompetisyon.
Mao nang misanong dayon si Santillan sa dihang gikuha nga reserve player sa Team Gilas sa 2021 FIBA 3×3 Olympic Qualifying Tournament karong Mayo 26-20 didto sa Graz, Austria.
Ubos ni coach Ronnie Magsanoc, iyang makauban sila sila si Joshua Munzon, Alvin Pasaol, CJ Perez ug Moala Tautuaa.
“Nung una pa lang na tumawag si Coach Ronnie [Magsanoc] sa akin, um-oo na ko kagad kasi Pilipinas na ‘yung ire-represent natin,” matud pa ni Santillan, lumad gikan sa dakbayan sa Lapu-Lapu.
Ang 6'5" nga si Santillan unang mihimo og pangan sa dihang miduwa uban sa University of the Visayas (UV) Green Lancers sa CESAFI. Misamot siya og kasikat sul-ot ang uniporme sa La Salle Green Archers sa UAAP.
Sa miaging PBA Rookie Draft, si Santillan maoy first round pick sa Rain or Shine Elasto Painters.
- Latest