PADS dragon boat racers misidlak sa Tudela
CEBU, Philippines — Ang mga pambato sa Philippine Accessible Disability Services (PADS) Youth Development Program mikuha og atensiyon sa malamposon nga 1st Tudela Dragon Boat Exhibition Race niadtong Huybes didto sa Fr. Joseph Weirtz Bayview Park sa Barangay Southern Poblacion, Tudela, isla sa Camotes.
Ang Canduman Under 24 team sa dakbayan sa Mandaue maoy nangu sa mabungahong kampanya sa PADS sa makutas apan makalingaw nga kompestisyon human milangkat og duha ka kampiyonato.
Sa youth mixed category, ang Canduman nanghawod human miposte sa labing paspas nga oras nga usa ka minuto ug .35 segundos. Naghari sab sila sa junior's open sa oras nga 55.87 segundos.
Ang PADS maoy mibira sa korona sa premiere mixed class sa oras nga 57.92 segundos. Gidominar sab sa PADS ang women's division sa oras nga 2:05.63.
Ang Black Manta Warriors, nga gilangkoban og mga dragon boat racers gikan sa Mandaue ug dakbayan sa Lapu-Lapu City, mihimo sab og kasikas human mihakot og tulo ka titulo pinaagi sa premiere open (54.54sec), mixed masters (1:57.85) ug masters open (1:52.95).
- Latest
