Mandaue kampeon sa Visayas leg ng VisMin Super Cup
ALCANTARA, Philippines — Pinatumba ng KCS Computer Specialist-Mandaue City ang MJAS Zenith-Talisay City, 89-75, sa winner-take-all Game Three para angkinin ang korona ng Visayas leg ng Chooks-to-Go Pilipinas VisMin Super Cup sa Alcantara Civic Center.
Ang KCS-Mandaue City ang kakatawan sa Visayas sa Super Cup Finals sa Agosto at lalabanan ang maghahari sa Mindanao leg na nakatakdang magbukas sa Mayo 25.
Binuksan ng Computer Specialist ang laro sa 18-1 atake patungo sa pagpoposte ng 86-66 bentahe tampok ang walong sunod na baskets ni guard Gileant Delator sa kalagitnaan ng fourth period.
Hindi na ito naputol ng Aquastars, sumabak sa best-of-three championship series tangan ang No.1 seeding matapos walisin ang six-team double-round eliminations.
Pinamunuan ni Ping Exciminiano, tinanghal na Finals MVP, ang KCS-Mandaue City sa kanyang 15 points, 5 rebounds at 3 steals.
- Latest