SBP gitugtan na sa IATF mo-host sa final window sa FIBA Qualifiers
CEBU, Philippines — Nakadawat na ang Samahang Basketbol ng Pilipinas (SBP) og pagtugot gikan sa Inter-Agency Task Force (IATF) aron mo-host sa final window sa 2021 FIBA Asia Cup Qualifiers sunod bulan ubos sa usa ka bubble set-up.
Gikompirmar kini ni presidential spokesperson Harry Roque sa usa ka press conference niadtong Biyernes, nga ang IATF mi-isyu ngadto sa pederasyon aron mopahigayon sa mga duwa didto sa Clark City diin ang mga magduduwa gikan sa 12 ka nasud, apil na ang Pilipinas ang magtigi.
"The IATF has approved the request of Samahang Basketbol ng Pilipinas to host international basketball or the FIBA Asia Cup Cup Qualifiers in June 2021 under a bubble-type in Clark, Pampanga," matud pa opisyal.
Ang Pilipinas mo-host sa mga duwa sa Groups A, B ug C sa maong torneyo nga gitakda sa Hunyo 16-20.
Ang Group A naglangkob sa South Korea, Thailand, Indonesia ug host-Philippines.
Usa na lang ka daog ang kinahanglan sa Gilas Pilipinas aron aron mokwalipikar sa 2021 FIBA Asia Cup didto sa Indonesia gikan sa Agosto 16 hangtod 28. Ang Gilas Pilipinas moharong kaduha sa South Korea ug usa sa Indonesia.
- Latest
