Jia Morado nagpaliwanag

MANILA, Philippines — Nagpaliwanag si Creamline Cool Smashers ace setter Jia Morado sa hindi nito pagdalo sa tryouts ng national team para sa 2021 Vietnam Southeast Asian Games.

Idinahilan ng dating Ateneo de Manila University playmaker ang kaligtasan nito at ng kanyang pamilya sa coronavirus disease (COVID-19).

Ayon kay Morado, ipinaalam sa lahat ng inimbitahang players na kailangan munang sumailalim sa 14-day quarantine bago sumalang sa tryouts.

Subalit nalaman lamang ito ni Morado may 11 araw na lamang ang nalalabi dahilan upang hindi nito makumpleto ang 14 days na requirement.

Ayaw ni Morado na isugal ang kanyang health safety para na rin sa kapakanan ng kanyang pamilya na kasama nito sa bahay.

“In the health protocols sent to us, we were advised to quarantine for 14 days before the event, but I only received this information with 11 days left before the tryouts. This made me feel unsafe to go for myself and for members of my family who are high-risk and living with me at home,” ani Morado.

Gayunpaman, saludo si Morado sa lahat ng mga dumalo sa tryouts.

Nanawagan din ito ng pag-unawa sa kaniyang naging desisyon.