Maraming sumipot sa beach volleyball national tryout
MANILA, Philippines — Mas solido ang tryouts sa beach volleyball dahil dumating ang mga inaasahang key players na nagnanais maging bahagi ng national team para sa Southeast Asian Games.
Nangunguna na ang tambalan nina Sisi Rondina at Bernadeth Pons at nina Dzi Gervacio-Dij Rodriguez na nakasungkit ng tansong medalya noong 2019 Southeast Asian Games sa parehong venue na pinagdausan ng tryouts.
“Masaya kasi nagkasama-sama kami and at the same time masarap mapasama sa tryout. Hopefully magtuluy-tuloy na ang program ng beach volleyball,” ani Rondina.
Hindi rin nagpahuli ang mga pambato ng Negrense na sina Alexa Polidario at Erjane Magdato na nagkampeon sa Philippine Superliga Beach Volleyball Challenge noong Pebrero.
Gaya ng inaasahan, nasilayan din si Jovelyn Gonzaga na nagdesis-yong isentro ang kanyang atensiyon sa beach volleyball sa national team.
May kabuuang 19 players ang dumating sa women’s division kasama sina Babylove Barbon, Princess Robles, Honey Grace Cabansay, Jennifer Cosas, Jovelyn Gonzaga, Tin Tiamzon Javen Sabas, Gen Eslapor at Mer Jauculan.
Pasok sa juniors category sina Roma Mae Doromal, Grydelle Joanice Matibag, Khylem Harl Progella at Samantha Maranan.
Sa men’s division, nanguna sa mga dumalo sina Jude Garcia, Jaron Requinton at James Buytrago na bahagi ng kauna-unahang bronze medal ng Pilipinas sa SEA Games na nakuha noong 2019 edisyon sa Subic.
- Latest
