Boholana nga weightlifter nidaog duha ka gold, 1 ka silver medals
CEBU, Philippines — Ang Boholanang weightlifter nga si Vanessa Sarno midaog og duha ka bulawan ug usa ka silver medals sa women's 71 kg division sa 2021 Asian Weightlifting Championships niadtong Miyerkules didto sa Tashkent Uzbekistan.
Lumad gikan sa Dakbayan sa Tagbilaran, ang 17-anyos nga si Sarno nidaog og bulawan sa clean and jerk (128kg) ug total (229kg) aron maghari sa iyang dibisyon ug usa ka silver sa snatch (101kg).
Si Sarno nga gisuportahan sa Philippine Sports Commission (PSC) mipilde ni Rio Olympian Gulnabat Kadyrova sa Turkmenistan, kinsa nidaog og usa ka gold sa snatch (103kg), usa ka silver sa total (223kg) ug bronze sa clean and jerk (121kg).
Sa kadaogan ni Sarno, ang Pilipinas mipalambo sa ilang medal tally nga dunay ka golds, unom ka silvers ug usa ka bronze sa Asian Championships nga gikatakdang matapos sa Abril 25.
- Latest
