Fury ug Joshua magsangka kaduha ning tuiga
CEBU, Philippines — Nipirma og kasabotan sila si Tyson Fury ug Anthony Joshua aron magsangka duha ka higayon alang sa IBF, WBO, WBA ug WBC heavyweight titles, sumala pa sa taho sa ESPN.
Si Joshua mipilde ni Bulgarian Kubrat Pulev niadtong Disyembre aron magpabilin sa iyang mga kamot ang IBF, WBO ug WBA titles nga naghawan sa dalan alang sa sangka batok ni Fury, ang WBC title-holder.
Ang 32-anyos nga si Fury, tuig na kapin nga wala makapakita’g aksiyon sukad sa iyang knockout nga kadaogan batok sa Amerikanong si Deontay Wilder, apan niadtong miaging bulan miingon nga moaway siya og kaduha ning tuiga.
“Top Rank has to give me two fights this year. I will fight two times on (Top Rank network partner) ESPN,” matud niya.
Gitaho sa ESPN nga ang duha ka boksidor gikatakdang magsangka karong tuiga ug ang una sa Hunyo o Hulyo, ug dayon ang “rematch’ sa Nobiyembre o Disyembre.
Nalatid sa kontrata mao nga ang duha ka boksidor makadawat og 50-50 split sa unang sangka ug 60-40 sa “rematch” diin ang mananaog makadawat og dako’g bahin.
- Latest
