Thompson hinay-hinay nang nakarekober

CEBU, Philippines — Niangkon si Golden State Warriors star Klay Thompson nga ang 2020 maoy labing bati nga tuig sa iyang kinabuhi ug malaumon nga maandam na siya sa pagsugod sa sunod season sa NBA dihang padayon  kining nagparekober gikan sa ACL injury.

Nakigsulti ngadto sa tigbalita sa labing unang higayon sukad nakahiagom og injury niadtong Nobiyembre 18, 2020 atol sa workout didto sa Los Angeles, si Thompson misulti sa gidugayon mahitungod sa rehab nga iyang giagwanta sud na sa duha ka seasons.

Si Thompson wala na makaduwa pa sa NBA sukad niadtong Hunyo 13, 2019 human na-injury atol sa Game-6 sa NBA Finals batok sa Toronto Raptors.

Tinguha ni Thompson moduwa na sa sunod season.

Human mawala sa eksena sa NBA 2019-2020 season, si Thompson mikompisal nga lisud dawaton ang Achilles injury ug sa tinud-anay mapalta na sab siya og laing usa ka tuig.

Ang Warriors nagtangkil karon og 20-20 nga baraha, apan bisan pa niini, si Thompson pabiling masaligon matabangan niya ang koponan aron mabalik ngadto sa usa ka title contender.