Celtics gipakauwawan ang Rockets
CEBU, Philippines — Gipakauwawan sa kaugalingon nilang balwarte ang Houston Rockets human gilubong sa bisitang Boston Celtics, 134-107 sa duwa nila sa NBA kagahapon didto sa Toyota Center sa Houston, Texas.
Si Jaylen Brown mitimbre og 24 puntos, samtang si Jayson Tatum mitimang og 23 puntos sa Celtics nga mipahamtang sa Rockets sa ika-16 niining sunod-sunod nga pilde.
Ang Celtics nga nidaog og lima sa unom ka mga duwa, nakabawi human maalkansi og otso puntos sa sayong bahin sa duwa kortesiya nilang Tatum ug Brown.
Si Tatum mihipos og 12 puntos sa first period ug maoy nidagkot sa 18-6 run sa Celtics. Ang Celtics adunay 61.9 shooting percentage sa maong kuwarter, lakip ang lima sa walo ka 3-pointers aron pagpapas sa alkansi.
Sa second quarter, si Brown mao na sab ang nipakita og nindot nga salida diin mitiklo kini og 16 puntos, apil ang usa ka tres sa nahabiling 6:26 nga nakabingag sa ilang labaw ngadto sa 54-36.
Si Victor Oladipo adunay 26 puntos, unom ka rebounds ug upat ka assists alang sa Rockets, samtang si Kenyon Martin Jr. mipuno og 21 puntos ug upat ka rebounds gikan sa Houston bench. Yoyo R. Abayan
Didto sa San Francisco, si Draymond Green mihimo sa iyang ika-26 nga career triple-double uban ang 11 puntos, 12 ka rebounds ug 12 sab ka assists alang sa Golden State Warriors nga milubong sab sa Utah Jazz sa iskor nga 131-119.
Si Stephen Curry adunay 32 puntos, lakip ang unom ka 3-pointers ug siyam ka assists.s with six 3-pointers to go with nine assists.
Sa New Orleans, si Zion Williamson mikadlit og 27 puntos ug si Brandon Ingram mikulit og 23 puntos sa New Orleans Pelicans nga milubong sa mas lig-on ngat Los Angeles Clippers sa iskor nga 135-115.
Si Lonzo Ball mipaksit og lima ka tres ug mitapos sa duwa uban ang 20 puntos sa kadaogan sa New Orleans.
- Latest