Estado ni Kouame sa UAAP kwestiyunable pa?
Sakaling maging naturalized na...
MANILA, Philippines — Malaking katanungan kung ano ang magiging estado ni Angelo Kouame sa UAAP sa oras na maipormalisa na ang pagiging naturalized player nito.
Mismong ang mga Senador na ang nagtaas ng tanong kung ano ang magiging hakbang ng pamunuan ng UAAP sa magiging sitwasyon ni Kouame.
“As it is, Ateneo is already lording it over with one import and that’s Kouame. If they were to get another import, would that not be fair to the rest of the league?” ani Sen. Sonny Angara.
Sa kasalukuyan, dalawang kategorya lamang ang student-athlete sa UAAP — ang local player at foreign player.
Habang wala pa ang naturalization, mananatiling foreign student-athlete si Kouame.
Sa kaso nina Marcus Douthit at Andray Blatche, bagamat naturalized players na ang mga ito, hindi sila maaaring lumaro sa PBA bilang regular players.
Naging bahagi sina Douthit at Blatche ng Gilas Pilipinas na sumabak sa iba’t ibang FIBA international tournaments.
Nilalakad naman ang naturalization ni Kouame upang maging bahagi ng Gilas Pilipinas na sasabak sa ilang malalaking torneo.
Kabilang na rito ang FIBA Asia Cup proper sa Agosto sa Jakarta, Indonesia at FIBA World Cup na itataguyod ng Pilipinas sa 2023.
- Latest