Kontrobersiya sa Taduran-Cuarto title fight
CEBU, Philippines — Gidawat ni kanhi IBF world minimumweight champion Pedro Taduran Jr. ang desisyon sa mga hurado, apan dili siya motuo nga walay bisan usa lang kanila ang dilli mohatag kaniya og daog batok ni Rene Mark Cuarto sa ilang title fight niadtong Sabado sa gabii didto sa Bula gym sa General Santos City.
"I'm man enough to accept judges’ verdict, I just can't believe that I didn't win even one judge, I still thank God that Cuarto and I are safe," matud pa ni Taduran.
Ang mga hurado nga silang Roel Densing sa Cagayan de Oro City, Brembot Dulalas ug Sabas Ponpon Jr. sa Davao City parehong miiskor og 115-113 pabor sa bag-ong kampiyon nga si Cuarto.
Sila lang si Dulalas ug Ponpon ang adunay ID gikan sa IBF, apan wala ang first timer nga si Densing.
Nakontrobersiyal sab si referee Rodel Garde sa President Roxas, Cotabato isip third man ibabaw sa ring.
Gumikan ka pakyas siya pagtawag og foul ni Cuarto atol sa usa ka headbutt sa ikasiyam nga hugna diin si Taduran nag-antos sa gisi sa luyong bahin sa iyang ulo.
Napakyas sab siya pagsagpa og technical ni Cuarto dihang nilingkod kini sa pisi sa sobrang kakapoy sa ika-12 ug katapusang round.
Ang 29-anyos nga si Garde nakareperi sa WBC Asian Boxing Council ug WBO Oriental Youth title fight. Una sab kini ni Garde nga nakaperi og IBF title bout.
- Latest
