Gavina gitudlo isip head coach sa Rain or Shine puli ni Garcia
CEBU, Philippines — Gipahibalo sa Rain or Shine pinaagi sa ilang social media accounts kagahapon nga ang assistant coach nga si Chris Gavina mao na modala sa koponan puli ni Caloy Garcia.
"We are excited to announce the appointment of Chris Gavina as Rain or Shine’s Head Coach. He brings with him several years of experience as a coach in both the PBA and MPBL," sumala pa sa Rain or Shine sa ilang Facebook page.
Wala pa'y tinong rason kon nganong nihawa si Garcia sa Rain or Shine nga iyang giserbisyohan dul-an sa duha ka dekada isip assistant coach gikan sa PBL ngadto sa PBA diin nahimo siyang head coach human si Yeng Guiao mibalhin ngadto sa NLEX niadtong 2018.
Ang 42-anyos nga si Gavina usa sa mga deputies ni Garcia sud sa tulo ka seasons sa wala pa kini gi-promote sa head-coaching position.
Si Gavina nahimo sab nga assistant coach ni Manny Pacquiao sa Kia niadtong 2016 diin nasulod sila sa quarterfinals. Pagka sunod tuig, gitudlo siya isip head coach.
Nahimo sab siyang head-coaching position sa MPBL uban sa Valenzuela ug Bacoor.
- Latest
