Damgo ni Suarez mobalik sa Olympics nahanaw
CEBU, Philippines — Nahanaw ang pangandoy ni Charly Suarez nga moaway og balik sa Olympics dihang ang IOC Boxing Task Foce nikanselar sa world qualifying tournament karong Hunyo didto sa Paris.
Ang three-time SEA Games gold medalist nga si Suarez niduwa sa 2016 Rio Olympics, apan napilde pinaagi sa 'split decision' ngadto ni Joe Cordina sa iyang unang duwa sa Summer Games.
Damgo sa 32-anyos nga moaway og balik aron mapapas sa iyang panumduman ang pait niyang kapildihan.
Sukad niadto, si Suarez mibiyo pagka-pro boxer ug mihipos siya og 5-0 record diin ang upat ka daog niini pinaagi sa knockout.
- Latest