Tigers Hall of Martial Arts SDG magsaulog sa ika-46 nga anibersaryo

CEBU, Philippines — Ang Tigers Hall of Martial Arts SDG magsaulog sa ika-46 nga anibersaryo sa pagkatukod karong Pebrero 21, 2021.

Matud pa sa founder niining si Dann B. Diaz, 9th Master, ang maong matang sa pagtulon-an sa pangamot 'self-defense' ug combat sports didto natukod sa kaulohan niadtong 1975.

Si Diaz instructor sab sa Defense Tactic (DefTac) sa Police Training Center sa lungsod sa Consolacion, Cebu.

Adunay presentation/exhibition ang ipahigayon nga tipik sa maong kalihukan.

Gawas niini, aduna sa'y eleksyon sa bag-ong hut-ong sa mga opisyales ug salo-salo.

Ang kalihukan sugdan sa alas-3 sa hapon hangtod sa alas-9 sa gabii diha sa ilang bag-ong gym nga nahimutang sa Hilltop-Crossing sa Casili, Consolacion.

Gawas ni Diaz, motambong sab ang iyang mga anak nga silang Ardy Diaz ug Junber Diaz Jr. ug Ramon Conde nga pulos niagi og kampiyon sa kickboxing ug eskrima sukmag-patid sa Visayas ug Mindanao.