"Milo Champion Habit" virtual workout gilusad
CEBU, Philippines — Ang Milo Philippines ug ang Department of Education (DepEd) miumol og "Milo Champion Habit", usa ka virtual workout aron paghatag og enerhiya sa nagtuon.
“We have come up with a daily drill for students to develop their speed, strength, agility and power,” matud pa ni Milo Sports Executive Luigi Pumaren sa usa ka virtual press conference kagahapon.
Matud pa ni Pumaren, nga ang sayes minutos nga ehersisyo nga motukpaw sa energy level sa mga bata, usa ka hugna sa eksersayis nga makat-onan sa pagka karon nga ilang giugmad uban sa University of the Philippines (UP) College of Human Kinetics, apan igo na kini aron mohulma og health habit sa mga bata.
Maglaum si Pumaren nga alalayan sa mga ginikanan ang ilang mga anak paghimo niini isip kabahin sa pagtulon-an sa ilang mga bata.
Nalipay ug naghinam-hinam sab ang Cebuana Olympic marathoner nga si Mary Joy Tabal pagkasayod sa maong kalamboan kay nabalik sa iyang panumduman dihang nagtungha pa siya sa elementary ug sa sekondarya. Sa iyang nahinumduman, gipa-perform sila og calisthenics matag human sa flag ceremony.
Gawas ni volleyball star Alyssa Valdez ug dekora nga taekwondo athlete/coach Japoy Lizardo, si Tabal mihimo sab ning maong ehersisyo sa iyang social media page alang sa iyang followers
Si DepEd-7 director Salustiano Jimenez miingon nga ilang himuon kining Milo exercise sa dili pa magsugod ang klase o ilang iapil sa ilang Physical Education classes.
Niadtong interesado, ang mga ehersisyo makita pinaagi sa Milo Philippines' Youtube account - Nestle Philippine ug Milo Philippine sa Facebook o sa ilang website milo.com.ph.
- Latest
