Clippers gilat-an ang Cavaliers
CEBU, Philippines — Mirehistro og season-high 30 puntos si Lou Williams ug ang Los Angeles Clippers milubong sa Cleveland Cavaliers, 128-111 kagahapon didto sa Staples Center sa Los Angeles, California.
Gawas pa niini, ang Clippers mao sab ang mipahamtang sa Cavaliers sa ikapitong sunod-sunod niining kapildihan. Ang three-time Sixth Man of the Year mikulit sab og season-high 10 ka assists ug mipasud sa tanang walo niya ka free throw dihang niduwa ang Clippers nga wala sila si Kawhi Leonard ug Paul George tungod sa tagsa-tagsa nila ka mga balatian.
Si Marcus Morris adunay season-best 23 puntos gikan sa bench sa Clippers, kinsa milansang og tulo ka sunod-sunod nga daog sa 10 ka duwa. Si Serge Ibaka mitampo'g 21 puntos, siyam ka rebounds ug unom ka assists.
Nangu sa Cavs si Collin Sexton pinaagi sa iyang 23 puntos, gisundan nilang Darius Garland ug reserve Cedi Osman nga aduna 20 puntos matag usa. Sa laing mga aksiyon, gilubong sa Denver Nuggets ang Los Angeles Lakers, 122-105, ang Memphis Grizzlies milubong sab sa Sacramento Kings, 124-110, ang Phoenix Suns misanta sa Orlando Magic, 109-90.
Gipilde sa Minnesota Timberwolves ang Toronto Raptors, 116-112, ang San Antonio Spurs mitiklo sa Charlotte Hornets, 122-110, giihaw sa Detroit Pistons ang New Orleans Pelicans, 123-112, ang Portland TrailBlazers, 121-118 ug ang Oklahoma City Thunder mipakurog sa Milwaukee Bucks, 114-109.
- Latest