Kahit nakansela ang third window Ravena positibo pa rin
MANILA, Philippines — Nagpasalamat si Gilas Pilipinas team captain Kiefer Ravena sa patuloy na sumusuporta sa Gilas Pilipinas sa kabila ng kanselasyon ng FIBA Asia Cup Qualifiers sa Doha, Qatar.
Dismayado ang lahat nang bumulaga kahapon ang hindi magandang balitang nagdesisyon ang Qatar na ipagpaliban ang third window dahil sa pagtaas ng coronavirus disease (COVID-19) cases.
Subalit hindi ito dahilan para masira ang mood at magandang samahan ng Gilas Pilipinas sa Inspire Sports Academy sa Calamba, Laguna.
“Thank you to my brothers, we’ve fought day in and day out, pushing each other to our limits and sacrificed time away from family and loved ones. All part of our journey to represent our country,” ani Ravena.
Halos isang buwan nang nasa Calambubble ang Gilas Pilipinas at malaki na ang naging sakripisyo ng lahat ng players na nasa training camp.
Nagdesisyon pa si Kai Sotto na lumiban sa unang bahagi ng kampanya ng Ignite sa NBA G League upang samahan ang Gilas Pilipinas sa kampanya nito sa third window.
Kaya naman malaki rin ang pasasalamat ni Ravena sa teammates nito na nagbuhos ng pagod at pawis para maging bahagi ng national team.
Hindi rin nakalimutan ni Ravena na bigyang-pugay ang lahat ng miyembro ng coaching staff sa pangunguna nina SBP program director Tab Baldwin at second window head coach Jong Uichico.
- Latest
