Bani Jamra saludo kay Espejo
MANILA, Philippines — Binigyang-pugay si outside hitter Marck Espejo ng koponan nitong Bani Jamra matapos ang kampanya nito sa Bahrain volleyball league.
Sa kanyang huling araw sa Bahrain, binigyan si Espejo ng token of appreciation ng Bani Jamra management.
Nabigyan pa ang 6’2 5-time UAAP MVP ng pagkakataon na masilayan ang Bani Jamra textile factory.
“Filipino professional Marck Espejo, a Bani Jamra player, has been honored by the club management for completing his contract with the team,” ayon sa post ng Bani Jamra sa social media.
Bagama’t hindi nadala ni Espejo sa kampeonato ang Bani Jamra, malaki ang pasasalamat nito sa pawis na ibinuhos ng Pinoy spiker para makatulong sa koponan.
Nagtapos sa 4-9 ang rekord ng Bani Jamra.
Huling nasilayan sa aksyon si Espejo nang buhatin nito ang Bani Jamra sa 25- 22, 25-20, 17-25, 25-19 panalo kontra sa A’ali.
Ito ang ikatlong pagkakataon na nagsilbing import si Espejo sa ibang bansa.
Una na sa Oita Miyoshi sa Japan V.League at sa Visakha Volleyball Club sa 2020 Thailand League.
- Latest
