Inoue-Dasmariñas fight lagmit ipahigayon sa Estados Unidos
CEBU, Philippines — Delikadong dili matuman ang pangandoy ni Naoya Inoue nga sa Japan ipahigayon ang iyang IBF bantamweight title defense batok sa Pinoy'ng challenger Michael Dasmariñas.
Ang Inoue-Dasmariñas fight nga gikatakda karong Abril lagmit adto mahitabo sa Estados Unidos. Ang handlers sa 27-anyos nga si Inoue, kinsa usa sab ka reigning WBA 118-pound champion, gusto nga ang title fight adto himuon sa Japan, apan wala kini purohan tungod sa travel restrictions sa ilang nasud gumikan sa Covid-19 pandemic.
Si Inoue nga adunay perpektong rekord, 20-0 uban ang 17KOs, katapusang niaway niadtong Oktubre 31 sa miaging tuig didto sa MGM Grand sa Las Vegas. Iyang gipakamang si Jason Moloney sa Australia aron magpabiling kaniya ang IBF ug WBC belts.
Sa laing bahin, si Dasmariñas (30-2-1, 20KOs) nakakuha og katungod sa pakigsangka ni Inoue human midaog pinaagi sa unanimous decisioin batok ni Kenny Demecillo (14-5-2, 8KOs) sa ilang 12 ka hugna nga IBF eliminator niadtong Marso 23, 2019 didto sa Resorts World Hotel sa Pasay City.
- Latest