Karatekas nasa ‘Calambubble’ na
MANILA, Philippines — Matapos ang ilang miyembro ng national boxing team ay ang mga national karatekas naman ang pumasok sa ‘bubble’ training sa Inspire Sports Academy sa Calamba, Laguna kahapon.
Kabilang sa mga umentra sa nasabing venue ay sina 2019 Southeast Asian Games gold medalist Jamie Lim, Sharief Afif, Ivan Agustin, Alwyn Batican, Jayson Ramil Macaalay at Norman Montalvo.
Nauna nang pumasok sa ‘bubble’ sina 2019 AIBA World Women’s Championships gold medalist Nesthy Petecio, Carlo Paalam, Marvin Tabamo, John Paul Panuayan, Mario Fernandez, Marjon Pianar, Aira Villegas at dating world champion Josie Gabuco.
Tanging ang mga national teams ng boxing, karatedo at taekwondo ang isinalang ng Philippine Sports Commission (PSC) sa ‘bubble’ training bilang paghahanda sa 2021 Olympic Games sa Tiokyo, Japan sa Hulyo.
Kasama rin si Olympics qualifier Irish Magno habang nasa ibang bansa naman sina boxer Eumir Felix Marcial (United States), pole vaulter Ernest John Obiena (Italy) at gymnast Carlos Edriel Yulo (Japan).
- Latest
