Holyfield handang tulungan si McGregor
Sa training camp para sa Pacquiao fight
MANILA, Philippines — Naniniwala si dating world champion Evander Holyfield na mabibigyan ni Ultimate Fighting Championship superstar Conor McGregor ng magandang laban si reigning World Boxing Association (WBA) Manny Pacquiao kung magkakaroon lamang ito ng magandang boxing training.
Para kay Holyfield, may mga bentahe si McGregor na magagamit nito na makapagbigay ng magandang laban kontra sa eight-division world champion na si Pacquiao.
“He has reach advantage. So he has to keep Pacquiao to the side and throw the punches straight, which is going to be difficult. You’re talking about fighting somebody who has been doing boxing their whole life,” ani Holyfield sa panayam ng SunSport.
Kaya naman interesado si Holyfield na tulungan si McGregor sa preparasyon nito sakaling matuloy ang ikinakasang mega fight kontra sa Pinoy champion.
Alam ni Holyfield na malayo ang agwat nina Pacquiao at McGregor kung boksing ang pag-uusapan.
Natural boxer si Pacquiao na mahigit dalawang dekada na sa mundo ng boxing habang mas sanay si McGregor na lumaban sa mixed martial arts.
Mababaw ang karanasan ni McGregor sa boxing na naging resulta upang matalo sa kanyang laban kay undefeated American fighter Floyd Mayweather Jr. noong 2017.
Naniniwala si Holyfied na tatalunin lamang ni Pacquiao si McGregor.
- Latest
