Moloney thumbs down kay Casimero
MANILA, Philippines — Tinanggihan ni World Boxing Organization (WBO) John Riel Casimero ang hamon ni Australian fighter Jason Moloney na gustong makalaban ang Pinoy champion sa isang 12-round fight.
Galing si Moloney sa seventh-round knockout loss kay World Boxing Association (WBA) super at International Boxing Federation (IBF) bantamweight king Naoya Inoue noong Oktubre sa Nevada.
“I wanna fight for world title again as soon as possible,” ani Moloney.
Matapos ang tatlong buwan, naglabas ng statement si Moloney kung saan target nitong maikasa ang world title fight kontra kina Casimero at WBC champion in-recess Nordine Oubaali ng France.
“After my fight against Inoue we went again to Top Rank office and I spoke with Bob Arum before I flew back to Australia and they asked me who I would want to fight next and I said Casimero or Oubaali. That’s my preference,” ani Moloney.
Subalit isang malamig na sagot ang inilatag ni Casimero.
Para sa Pinoy champion, walang puwang sa kaniya sa ngayon si Moloney dahil nakasentro ito sa mga boksingerong may hawak na titulo.
“Looking forward but boy, there’s levels to this game,” ani Casimero sa kaniyang sagot kay Moloney.
Target ni Casimero na maikasa ang unification bout laban kay Inoue na nakatakda sana noong nakaraang taon ngunit naudlot dahil sa coronavirus disease (COVID-19) pandemic.
- Latest
