Walker mahimo nang moapil praktis sa Celtics
CEBU, Philippines — Makabalik na unya og duwa sa Boston Celtics ang All-Star point guard nga si Kemba Walker dihang gitugtan na kini nga makasugod og praktis uban sa koponan.
Si Walkers wala makaduwa karong nga season gikan sa pagdawat sa stem cell injection sa iyang walang tuhod sa wala pa magsugod ang training camp niadtong Disyembre.
Naangol ang tuhod ni Walker sa wala pa ibalik ang miaging season didto sa Florida bubble, apan nibalik og duwa atol sa playoffs.
Matud pa ni coach Brad Stevens, si Walker wala na’y gipamati nga sakit ug niapil na kini og individual workouts uban sa coaching staff.
Sunod nga lakang ni Stevens alang kang Walker mao nga paapilon kini og live practices uban sa teammates. Si Walker nahimong dakong bahin sa Boston sa Eastern Conference finals didto sa bubble, mi-average siya og 19.6 puntos ug 5.1 ka assists atol sa postseason. Ang Celtics napilde sa series sa unom ka duwa ngadto sa Miami Heat.
- Latest
