Canelo andam moaway batok GGG sa 'trilogy'
CEBU, Philippines — Andam si reigning two-division world champion Saul 'Canelo' Alvarez alang sa ikatulong away batok ni IBF world middleweight champion Gennady Golovkin.
Si Alvarez nga lab-as pa gikan sa unanimous decision nga kadaogan batok ni Callum Smith aron angkonon ang WBC ug WBA world super middleweight titles, miingon nga bukas siya moaway bisan kinsa iyang iparang.
Sila si Alvarez (54-1-2, 36KOs) ug Golovkin (41-1-1, 36KOs) unang nag-abot niadtong 2017 sa huego-todo nga kumbati nga misangpot ngadto sa usa ka "draw".
Nag-usab sila paglabay sa usa ka tuig diin si Alvarez ang midaog pinaagi sa majority decision. Si Golovkin nidaog sa tulo ka sunod-sunod nga away ug ang katapusan pinaagi sa seven-round demolition ni Kamil Szerementa niadtong Sabado. — gikan sa GMA News
- Latest
