Thompson: Bubble crown labing halandumon
CEBU, Philippines — Lima ka korona sa lima ka tuig.Apan alang ni Scottie Thompson, ang pagdaog sa Barangay Ginebra Kings sa PBA Philippine Cup bubble maoy labing halandumon.
Palaran kaayo si Thompson sa iyang karera sa PBA kay walay tuig nga dili kini modaog og usa ka korona sukad siyang gikuha isip first overall sa Barangay Ginebra niadtong 2015 draft.
Matud ni Thompson nga ang iyang mga sakripisyo ug sa tibuok kampo sa Kings maoy nagtukmod kanila aron maangkon sa koponan ang unang All-Filipino title human sa 13 ka tuig nga huwaw.
"Ito yung pinaka-best memory. Best championship kasi ito yung hardest to win kasi hindi lang basketball yung nilaban namin, e. Dahil sa pandemic na nangyari, kalusugan rin natin ang nilaban natin dito," matud ni Thompson nga nahimong guwardiya sa Kings sud sa lima ka tuig. Si Thompson mi-average og 8.6 points, 8.6 rebounds ug lima five assists sa iyang pagtabang sa Kings pagpukan sa TnT Tropang Giga lima ka duwa sa Finals didto sa Angeles University Foundation gym.
Gawas sa iyang all-around numbers sa title series, si Thompson nga lumad gikan sa Davao del Sur, mahinumdoman sab sa iyang pagkamabayanihon human niya napasud ang 3-pointer sa himalatyong segundos sa Game-2 diin ang Kings midaog, 92-90 human malubong og 15 puntos.
Sumala pa ni Thompson, nga ang championship mahinumduman sud sa pipila ka mga katuigan.
"Sobrang worth it na napanalo namin yung championship kasi maaalala ito ng mga tao," sumala pa niya. "First bubble ng PBA, tapos kami ang nag-champion."
Kun mabalik na sa normal ang tanan diin ang PBA Season 46 mosikad karong Abril, ang Kings dili mawala sa panumduman nga una ug bugtong bubble champion sa kasaysayan sa liga.
- Latest