Sa dili pa ang Olympics: Marcial moaway katulo isip pro
CEBU, Philippines — Ang Pinoy'ng boksidor nga si Eumir Marcial lagmit moaway tulo ka higayon isip pro sa dili pa moasdang sa Tokyo Olympics nga gikatakda sunod tuig.
Gipadayag kini ni MP Promotions President Sean Gibbons nga mao na karon ang nagduma sa karera ni Marcial.Matud pa ni Gibbons nga ang 30-anyos nga si Marcial mokumbati isip pro sa labing unang higayon sud ning bulana.
Posibleng iya paduwaon si Marcial duha ka higayon sunod tuig sa dili pa kini mopakita'g aksiyon sa Tokyo.
Giklaro ni Gibbons nga iya kining giplano aron bairon og maayo ang abilidad ni Marcial ug matabangan kini sa iyang misyon nga langkaton ang labing unang gold medal sa Olympics nga dugay na kaayong gihandum sa tibuok nasudnong Pilipinhon. Ang 30-anyos nga si Marcial kasamtangan karong nagbansay-bansay uban ni Hall of Fame trainer Freddie Roach didto sa Wild Card Gym sa Los Angeles, California.
- Latest
