Crawford, brook magsukmagay na
CEBU, Philippines — Ang wa'y pildeng si Terence Crawford modepensa na sa iyang WBO welterweight title batok sa kanhi kampiyong si Kell Brook karong adlawa didto sa MGM Grand bubble sa Las Vegas, Nevada.
Seguradong huego todo nga kumbati ang mahitabo nilang duha ilabi na kay si Top Rank promoter Bob Arum mipasalig man nga ang modaog iyang isangka batok ni eight-division world champion Manny Pacquiao sunod tuig.
Sama sa iyang gipakita sa miagi niyang mga away, ang 33-anyos nga si Crawford magsalig sa iyang kaabtik ug hait niyang abilidad sa tinguha nga pakgangon si Brook.
Angayan pa hinuong lantawon kon kinsa nilang duha ang wala matay-i gumikan kay sila si Crawford ug Brook pareho mang taud-taud nang wala na makaaway tungod sa pandemiya.
Si Crawford nagkupot og perpektong 36-0 record uban ang 27KOs, samtang samtang si Brook impresibo sab sa gikuptan nining 39-2 nga baraha nga gidayan-dayanan sab og 27KOs.
- Latest
