Ancajas mitubag ni Casimero

CEBU, Philippines — Mapasalamaton kaayo si IBF super flyweight champion Jerwin Ancajas nga ang kababayan niyang si WBO bantamweight champion Johnriel Casimero naka-interes kaniya pinaagi sa usa ka Facebook post nga nag-viral niadtong Domingo.

Apan si Ancajas miangkon nga na-insulto siya sa pagngan kaniya ni Casimero nga usa ka bata kay puwede ra man una niining isulti ang iyang pangan.

"He could have said my name and I wouldn't mind," matud pa ni Ancajas sa usa ka video clip gikan sa iyang balay didto sa Los Angeles diin siya nag-training taliwala ning pandemiya.

Sa iyang Facebook niadtong Domingo, si Casimero mikantiyaw ni Top Rank promoter Bob Arum gumikan sa wala niini pag-iskedyul og usab sa iyang unification bout uban ni IBF/WBA bantamweight champion Naoya "Monster" Inoue. Sa iyang pagpika ni Arum, nadamay si Ancajas.

"Tatang Bob, sinawsaw mo pa 'tong isang bata mo. Walong depensa na, hindi pa gaanong sumisikat kasi binigyan mo lang ng mga mahinang kalaban. 'Pano yan sisikat," suwat pa ni Casimero.

Mao kini ang reaksiyon ni Casimero sa dihang nasayod nga si Arum nagplano nga iparang sunod si Inoue batok kaniya o dili ba ni Ancajas.

Sukwahi ni Casimero nga daw sa naglagot, kalmado ug napuno sa respeto ang tubag ni Ancajas.