WBC title tirada ni Magramo sa Japan

CEBU, Philippines — Bukid ang tungason ni Giemel Magramo sa iyang pakigsangka batok sa Hapon nga si Junto Nakatani alang sa bakanteng WBO flyweight title karong Nobiyembre 6 didto sa Korakuen Hall sa Tokyo, Japan.

Kini gumikan kay si Nakatani nagkupot man og daghang bentaha batok sa Pinoy'ng boksidor, apil na niini ang pagduwa sa iyang teritoryo ug ang tanang mga judges pulos mga Hapon.

Sila si Magaramo ug Nakatani orihinal untang magsinukmagay niadtong Abril 14, apan lima ka higayon nga nasibog ang ilang away gumikan sa pandemiya dala sa sakit sa coronavirus.

Nagdugang lamang kini sa mga gihunahuna ni Magramo.

Apan ang 26-anyos nga si Magramo (24-1, 20KOs) determinado ug nangandam nga pakgangon ang wala pa'y pildeng si Nakatani (20-0, 15KOs).

Matud ni Magramo nga dili niya hatagan og oportunidad si Nakatani ug iya nang gi-estudyohan og maayo ang mga lihok ug estilo niini.

Ang promoter ni Magramo nga si Johnny Elorde masaligon sab sa kapasidad sa iyang batos nga mopilde  sa 22-anyos nga si Nakatani human sa 12 ka hugna nilang kumbati.