Medina sa Laguna naghari sa CEPCA 30th anniversary chessfest
CEBU, Philippines — Ang kanhi batos sa Philippine Youth team nga si Vince Angelo Medina sa Cabuyao, Laguna maoy nanghawod sa "4th Engr. Boy "Chessmoso" Pestaño Memorial Chessfest" nga gipasiugdahan sa Cebu Executives and Professionals Chess Association (CEPCA) agi'g pagsaulog sa ika-30 niining anibersaryo nga giduwa kini sa lichess.org niadtong Domingo.
Si Medina, kanhi kampiyon sa Shell National Youth Active Chess ug gold medalist sa Palarong Pambansa ug ASEAN Age-Group, mikumpleto sa 15 ka hugna nga pinug-anay sa utok bitbit ang labing taas nga 12.0 puntos aron langkaton ang titulo. Ang pambato sa Valenzuela City nga si Rowell Roque ug ang Sugboanong National Master nga si Merben Roque parehong miposte og 11.5 puntos, apan si Rowell maoy miangkon sa ikaduhang dapit sa mas taas niining tie-breaker.
Si Sherwin Tiu nagsolo sa ikaupat nga luna uban ang 11.0 puntos, samtang miokupar sa ikalima ngadto sa ikawalong puwesto mao sila si FIDE Master Zander Severino, NM Jeth Romy Morado, Rolzon Roullo, ug Richard Villaceran bitbit ang 10.5 puntos matag usa.
- Latest